(50) Na amri yetu haikuwa ila ni moja tu, kama kupepesa jicho.
(51) Na bila ya shaka tumekwisha waangamiza wenzenu. Lakini yupo anaye kumbuka?
(52) Na kila jambo walilo lifanya limo vitabuni.
(53) Na kila kidogo na kikubwa kimeandikwa.
(54) Hakika wachamngu watakuwa katika Mabustani na mito.
(55) Katika makalio ya haki kwa Mfalme Mwenye uweza.
الرحمن Ar-Rahmaan
(1) Arrah'man, Mwingi wa Rehema
(2) Amefundisha Qur'ani.
(3) Amemuumba mwanaadamu,
(4) Akamfundisha kubaini.
(5) Jua na mwezi huenda kwa hisabu.
(6) Na mimea yenye kutambaa, na miti, inanyenyekea.
(7) Na mbingu ameziinua, na ameweka mizani,
(8) Ili msidhulumu katika mizani.
(9) Na wekeni mizani kwa haki, wala msipunje katika mizani.
(10) Na ardhi ameiweka kwa ajili ya viumbe.
(11) Humo yamo matunda na mitende yenye mafumba.
(12) Na nafaka zenye makapi, na rehani.
(13) Basi ni ipi katika neema za Mola wenu Mlezi mnayo ikanusha
(14) Amemuumba mtu kwa udongo wa kinamo..
(15) Na akawaumba majini kwa ulimi wa moto.
(16) Basi ni ipi katika neema za Mola wenu Mlezi mnayo ikanusha