(8) Abaalkooda ay Eebe agtiisa kii leeyihiin waa Jannooyin Nagaadi, dhexdeedana ay dureeri Wabiyaal ay kuna waari dhexdeeda waligood, Eebaa ka raalli noqday iyana way ka raali noqdeen, arrintaasna waxay u sugnaatay Ruusii Eeba ka yaaba.
الزلزلة Az-Zalzala
(1) Marka DHulka la gilgilo.
(2) Dhulkuna soo bixiyo culaykiisii (wixii ku aasnaa).
(3) Dadkuna (Gaaladuna) dhahaan maxay leedahay.
(4) Maalintaas waxay ka sheekayn warkeeda.
(5) Maxaayeelay Eebaa u waxyooday.
(6) Maalintaas Dadku way soo bixi iyagoo kala tagsan (xagga Diinta iyo Camalkaba) si ay u arkaaan camalkooda.
(7) Ruuxiise wax yaroo khayra fala wuu arki.
(8) Kiise wax yar oo shar fala wuu arki.
العاديات Al-Aadiyaat
(1) Eebe wuxuu ku dhaartay Fardaha Jahaadka u orda iyagoo qaylyi.
(2) iyo kuwa dabka Qoobkooda ku ifiya (guuraha).
(3) Iyo kuwa Cadawga weerara Subaxdii.
(4) Ee Boodhka kiciya.
(5) Cadawgana dhexgala.
(6) Ee Dadku Eebohood waa diideen.
(7) Arrintaasna Dadku wuu ogyahay.
(8) Dadkuna Xoola jacaylka waa ku daranyahay.
(9) Miyuuna ogayn Marka Xabaalaha waxa ku jira la soo bixiyo.