القدر Al-Qadr
(1) Албатта, Биз у(Қуръон)ни Лайлатул Қадр да туширдик.
(2) Лайлатул Қадр қандоқ нарса эканини сенга нима билдирди?
(3) Лайлатул Қадр минг ойдин яхшироқдир.
(4) Унда фаришталар ва Руҳ Роббилари изни билан барча ишлар учун тушадир.
(5) У то тонг отгунча салом бўлиб турадир.
البينة Al-Bayyina
(1) Аҳли китоб ва мушриклардан бўлган куфр келтирганларга «баййина» келмагунча ажралмасдилар.
(2) У (баййина) Аллоҳ тарафидан юборилган Расул бўлиб, покланган саҳифаларни тиловат қиладир.
(3) Уларда ажойиб битиклар бордир.
(4) Китоб берилганлар уларга «баййина» келганидан сўнггина бўлиниб кетишди.
(5) Ҳолбуки, улар фақат Аллоҳгагина ибодат қилишга, Унинг динигагина ихлос қилишга, бошқа динларга мойил бўлмасликка, намозни тўлиқ ўқишга, закот беришга буюрилган эдилар. Ана шу тўғри миллатнинг динидир. (Яҳудий ва насоролар Таврот ва Инжилда фақат Аллоҳ таолонинг Ўзигагина ибодат қилишга амр этилган эдилар.)
(6) Албатта, аҳли китоб ва мушриклардан бўлган куфр келтирганлар жаҳаннам ўтидадурлар, у ерда абадий қолурлар. Ана ўшалар халойиқнинг энг ёмонларидир.
(7) Албатта, иймон келтирганлар ва солиҳ амалларни қилганлар, ана ўшалар, халойиқнинг энг яхшиларидир.